balik sa dati... mhyk12 12:05 PM

Tapos na ang new year celebration. Ano naman ngayon? Balik na naman sa realidad. Wala na namang pera. Baon na naman sa utang. Barado ang banyo. Balik sa di ma-alis-alis na bisyo. Balik sa mahirap na estado ng bansa. Balik sa realidad ng kawalan ng trabaho. Balik sa piling ng kupal na boss (yung sa akin hindi ganun. Buti na lang.). Balik sa piling ng gulay mong ka-opisina. Balik eskwela sa piling ng terror mong guro. Balik sa pagpapantasya ng magandang babae na wala namang laman ang utak. Balik sa pagbabayad ng buwis na wala namang makitang pinatutunguhan kungdi ang malaking bulsa ng mga walang-hiyang mga corrupt na opisyal ng gobyerno na walang ibang ginawa kungdi ang waldasin ng walang humpay ang pera ng mamamayan para sa pansariling kapakanan. Mamatay na sana kayong lahat! Kamatayan nyo lang ang makakapagbalik ng kaunlaran sa bansang ito. Balik sa pagiging lasenggo. Balik sa piling ng mga abusadong nasa posisyon. Balik sa proseso ng nakakasawang pagta-trabaho. Balik sa paga-update ng friendster, multiply, facebook, tagged, hi5, blogger at kung anu-ano pang social networking sites mo. Balik sa panunuod ng videos sa xtube tuwing lunch break. Balik sa realidad na nadagdagan ka na naman ng timbang dahil sa walang harabas na paglamon nung pasko at bagong taon. Balik na naman sa kakarampot na sweldo. Balik sa ka-relasyon mong seryoso sayo ngunit di mo sineseryoso. Balik sa ka-relasyon mong hindi seryoso sayo pero seryoso ka para sa kanya. Balik sa kawalan ng matinong ka-relasyon. Balik sa piling ng mga babaeng “pangkasalukyan lang.” Balik sa realidad na hindi mo makukuha ang pinakagusto mong mahalin dahil may mahal na siyang iba. Balik sa piling ng mga istupidong tao na nakanganga lang sa paligid mo at walang ginawa kungdi ang magpakatanga at hinahayaang dumaan lang sa harapan niya ang mga pagkakataong hindi dapat pinalalampas. Balik sa piling ng bungangera mong asawa. Balik sa kinabubuwisitan mong mga emo. Mamamatay rin naman kayo, bakit ba hindi kayo makahintay? Kung gusto niyo naman talaga mamatay, bakit hindi niyo siguraduhin, hindi yung may pahiwa-hiwa pa kayong nalalaman. Dagdag lang kayo sa sakit ng ulo ng mga tao sa paligid nyo. Hindi dapat emo ang tawag sa iny kungdi KSP. Sa madaling salita… Balik sa dati.

Maaaring high pa tayo sa nakaraang pagdiriwang natin ng New Year pero ngayong gising na tayo para harapin ang unang araw ng taon, balik na naman ang lahat sa dati. At wala tayong magagawa don kungdi harapin ang kung anu man ang darating at ipagdasal na lang na ang mga gagawin nating desisyon sa darating na taon ay tama. 

ipuputok ko na... mhyk12 6:37 PM

Nitong mga nakaraang araw, ako ay nag-iisip kung ano nga ba ang pwede kong ilagay sa akinghuling blog ngayong taon. Nap-pressure din akong magsulat dahil meron ding mangilanngilan na aking nauuto at naghahanap ng bagong mababasa sa aking blog. Nang makausap ko ang isang kaibigan at tanungin ko siya kung ano ang kanyang naisulat sa kanyang panghuling gibberish ngayong taon, simple lang ang kanyang naging tugon. “Tinigilan ko na ang paglalagay ng New Year’s Resolution dahil unang una, hindi naman natutupad.” Isa na lang daw ang New Year’s resolution niya at least sigurado daw siyang matutupad niya ito nang walang hirap, ang pagiging masama. Nang mapag-usapan namin yon, iniisip ko na isa yong magandang punto. Kaya mula ngayon, magpakasama na lang tayo!

Maraming nangyari ngayong taong ito. At dadaanin ko na lang siguro sa paglilista nito.

1.       Pagkamatay ni itay. May you rest in peace. Guide us always lalo na si inay.

2.       Pagbibigay ng bagong responsibilidad sa trabaho. Maraming salamat sa pagbibigay ninyo sa akin nito. Mas pagbubutihan ko sa dadating na taon.

3.       A Very Special Love. Sarah Geronimo at John Lloyd Cruz. Wala akong masabi sa pelikulang to. Sagad sa kilig.

4.       Pagbabawas ng timbang. Salamat kay boss Oscar M. Lopez. Dahil sa’yo natupad ang isa kong New Year’s resolution ko para sa 2008. Nabawasan ako ng 18lbs. nung panahon ng iyong wellness program. Salamat din sa mga team mates at kay warden Anchel. Hindi namin maaabot ang achievement na yon kung hindi dahil sa’yo. Guess what, konti na lang… konti na lang at babalik na ako sa dati.

5.       Don Bosco Batulao Scholars. Maraming salamat at hinayaan niyong makilala namin kayo. Sa mga nakatanggap ng scholarships during our last visit, galingan nio. Kaming mga kuya at ate niyo ay nandito lang para maging guide niyo.

6.       Friends. Same friends, new friends, old friends, friends sa work, friends sa old schools, high school at college, friends abroad, alcoholics anonymous, for good times and bad.

7.       Ang pagbabalik nilang dalawa. Anak ng pating naman. Bakit naman kailangang sabay pa kayong nandito. Binabaliw niyo ko.

8.       Para sa kanya na nasa Dubai. Christmas naman. Pinatawad ko na kayo. Wag ka na lang sanang magpakita. Dyan na lang kayo at huwag na kayong bumalik. Don’t worry at wala akong balak pumunta dyan.

9.       “I feel any pressure right now.” Dalawamput apat na taong gulang na ko at mga ilang araw na lang ay dalawamputlimang taong gulang na ko. Hindi naman sa nag-iisip ako, pero kung hindi rin lang sa mga taong nasa paligid ko at sa mga pangyayari kamakailan lang, hindi naman ako mag-iisip.

10.   Eraserheads the reunion concert. Binuhay nyo ang pag-asa naming mga may pangarap. Imposible ang salitang “imposible.”

11.   Manny Pacquiao. Wala akong masabi sayo. Wala kang kupas! Penge balato!

 

Para sa lahat… Happy New Year! 

alak... alak pa... mhyk12 1:52 PM

Iba nga talaga ang nagagawa ng alak. Kamakailan lang ay nakipag-inuman ako sa aking mga kaopisina at muli ay aming napatunayan kung ano talaga ang kakayahan ng alak sa pagmanipula ating pag-iisip. Nagmula ang usapan sa pinaka-ayokong topic. Ang aking sarili. Nang dumami na kami (apat), nagsimula na ang evolution of thought. Pag-ibig, tuksuhan, Catholicism, Christianity, Religion, Faith, Salary deduction due to Employee’s Account, Photons, Time travel, Astral Travel, Teleportation, Time and Space Continuum, Karylle, Marian Rivera, Astral Physics, Love, kung gaano kasagrado ang Sex at iba pa. Mabuti naman at walang naisugod sa hospital dahil sa pagkaubos ng dugo na nagdaan sa ilong. Sa totoo lang walang nakaka-alam kung bakit naging ganito ang takbo ng inuman na ‘yon pero pakiramdam naming lahat ay iyon ang pinakamatalino naming gabi sa kasaysayan ng alak. Parang pagpupulong ng mga consultant ng pangulo na nag-iisip kung pano lulustayin ang milyong-milyong kurakot nila na nagmula sa buwis.

Wala akong masabi talaga sa Gobyerno. Basta lahat ng pinaghirapan mo na pwedeng lagyan ng buwis ay lalagyan nila. Kinakailangan pa nilang tapyasan ang hirap na ginawa ng mga tao. Hindi bale ba kung nailo-loan mo ang buwis na ito gaya ng SSS at Pag-ibig. O may nakukuhang benipisyo gaya ng Philhealth. Ang kaso, wala. Sobrang laki ng tax, sobrang laki ng nakukurakot. Nakakapanghina. Nakakadismaya.

May isa pa sana akong artikulo, ngunit minarapat ko na lamang na hindi na sabihin ang sensitibong paksa na ito para sa isa kong kaibigan dahil may kaugnayan ang taong ito sa kanya. Pero kung interesado ka, baybayin mo ang EDSA extension sa side na papuntang Monumento galing ng North EDSA. May karimarimarim na billboard kang makikita doon.