Kung mamalasin ka nga naman. Sa hindi inaasahang pagkakataon nasira ang aking telepono. Ipinagawa ko at nakapag-bayad tuloy ako ng tumataginting isang libong piso upang ireset, restart, reset, restart, reset lang ang telepono ko. Sa kadulo-duluhan, napag-alaman ko na kailangan ko nang talikuran ang matagal ko nang ginagamit na globe simcard at palitan ng kalaban nito na smart. Nang isang bes na nag-paload ako sa tindahan, nagulat ako sa mga eksenang nangyari…

AKO: Miss, pa-load po!

TINDERA: *pasigaw* SI PIOLO NAKA_SMART BUDDY NA!!!!!

Agad kong sinampal ang tindera upang matauhan at agad din naman syang humingi ng tawad at sinabi sa akin na “pasensya na, akala ko ikaw si piolo. Magkamukha kasi kayo eh.” Dahil dito, siniguro ko na na hindi na ko babalik sa tinadahan na yon at baka pagkaguluhan pa ko.

Nang umuwi ako sa bayan ko sa Cavite, napakunot ang noo ko nang makita ang isang malaking ngiti ni Gaby Conception sa isang poster para sa isang whitening supplement. Makikita rito na nagpapasalamat sya sa naturang whitening supplement. Sino ba namang sira ulo ang maniniwala na ginagamit nga nya ang gamot na yon upang pumuti. Sa tinagal-tagal nya sa states at kababalik nya nga lang paano naman nito mapapaniwala ang tao na kaya siya pumuti ay ginamit nya ang supplement na ‘yon. Mali eh!!